Stiki RAI Nursing Home er skráningarkerfi fyrir hjúkrunarheimili til þess að meta gæði og kostnað þjónustu á dvalar- og hjúkrunarheimilum.

RAI-mat (Raunverulegur Aðbúnaður Íbúa) er aðferð til þess að meta gæði og kostnað þjónustu við íbúa á dvalar- og hjúkrunarheimilum. Aðferðin stuðlar þannig að því að bæta aðbúnað og þar með heilsufar íbúa heimilanna.

Alþjóðleg aðferðafræði við gæðamat á þjónustu á dvalar- og hjúkrunarheimilum

Aðferðin varð til í Bandaríkjunum árið 1986 en hefur síðan verið þýdd og staðfærð víða um heim í fjölþjóðlegu samstarfi sem nefnist Inter-RAI. Þátttaka Íslands í þessu samstarfi hófst 1993. Notkun þessarar aðferðar er háð höfundarrétti en heilbrigðisráðuneytið hefur gert samning við Inter-RAI sem heimilar Stika notkun RAI-aðferðarinnar í þessu nýja upplýsingakerfi.

Samkvæmt reglugerð er skylt að meta heilsufar og aðbúnað árlega og byggja matið á RAI-aðferðinni.

RAI Nursing Home kerfið er hýst miðlægt hjá Stika og þjónar dvalar- og hjúkrunarheimilum um land allt. Landlæknisembættið hefur með höndum eftirlitsaðgang að gögnum kerfisins en heilbrigðis- og tryggingamálaráðuneytið notar kerfið til þess að meta kostnað við þjónustu heimilanna.

Skoðið ,,Case Studies" um hjúkrunarheimilin Sunnuhlíð og Sóltún sem nota RAI Nursing Home hugbúnaðinn.

Sunnuhlíð
Sóltún (á ensku)

Skoðið www.interrai.org/section/view/ til að fá nánari upplýsingar um alþjóðlega inter RAI verkefnið.