SPROTAÞING var haldið nýlega í New York og voru tvö íslensk fyrirtæki meðal þeirra níu sem þar kynntu viðskiptahugmyndir sínar, þ.e. Stiki og 3-Plus.

SPROTAÞING var haldið nýlega í New York og voru tvö íslensk fyrirtæki meðal þeirra níu sem þar kynntu viðskiptahugmyndir sínar, þ.e. Stiki og 3-Plus. Ólafur Ragnar Grímsson, forseti Íslands, var viðstaddur þingið og var með framsögu á fréttamannafundi í tengslum við það. Þar talaði einnig hinn norsk-íslenski framkvæmdastjóri Operu-hugbúnaðarhúss, Jón S. Von Tetzchner. Ræddi hann um samkeppnisumhverfið og leiðir til að ná markaðslegu forskoti.

Opnunarávarp flutti Pétur Óskarsson, viðskiptafulltrúi á ræðismannsskrifstofu Íslands í New York, og Bernt Reitan, aðstoðarforstjóri Alcoa, flutti erindi um þátt nýsköpunar í starfandi fyrirtækjum og breytingar sem líklega yrðu á næstu 50 árum. Þá talaði Edward Gallagher, forstjóri Amerísk-norræna félagsins, og fulltrúar Stika og 3-Plus kynntu starfsemi sína og framleiðslu. Meðal annarra fyrirtækja sem kynnt voru á sprotaþinginu var InfoStream.